كيفية تحميل نسخ ويندوز القديمة (Windows 10 أو 11)

قد تحتاج انك تحممل نسخه ويندوز قديمة في حال كان جهازك قدي مثلا وحاب انك تشغل ويندوز 11 النسخه الاقدم مثل ثلا 22 اتش 2 الي كانت قيودها اقل من النسخه الحالية. هذه النسخ غالباً تكون أقل تطلباً من حيث المواصفات، وتناسب الأجهزة الضعيفة أو القديمة التي لا تعمل بكفاءة مع أحدث إصدارات ويندوز.

ولو حاولت انك تحلها من موقع مايكروسوفت مباشرة رح تلاحظ انو ما في خيار تحديد النسخه واذا حملت من مايكروسوفت رح يعطوك اخر نسخه في كل مرة، وهذا أمر مزعج للمستخدمين اللي بدهم تحكم أكبر بإصدار النظام.

ما هو الحل؟

الحل مع هالموقع الجميل uupdump.net ورابطو بالوصف للي حاب يوصلو.

ممكن تخط الماوس على الويندوز 11 مثلا وتختار النسخه او الإصدار الي بدك إياه من 21 اتش 2 للاخر اشي متوفر حاليا لحد ال 25 اتش 2 الي لسا تحت التطوير والي ما بنصح بتحميلها ابدا لأنها غير مستقرة وموجهة للمطورين فقط.

كمان ويندوز 10 بكل اصداراتو، او ويندوز سيرفر، او نسخ المطورين، ونسخ الكناري من الويندوز يعني تدلل وشوف ايش حاب تختار.

خطوات تحميل ويندوز من الموقع

تعال نحمل ويندوز 11 اول اصدار 21 اتش 2.

عشان تعرف شو تحمل عندك عاليمين المعمارية، فإذا كان معك معالج من انتل او ايه ام دي اختار x64 للـ 64 بت، أو x86 للـ 32 بت. أما إذا كان معك معالج بمعمارية ARM ف اختار ARM64. وكمان بهمك تشوف تاريخ الإصدار على يمين المعمارية عشان تعرف إذا كانت النسخة مناسبة.

الان بامكانك بسهولة تحدد شو اللغة الي بدك ينعرض فيها النظام، يعني لغة النظام كامل مش الكيبورد فقط، وفي كل اللغات ومن ضمنها العربية طبعا.

يا بتترك الاصدارات كما هي أو بتحدد اصدار واحد. انا بنصحك بالـ Home دائماً لأنها أخف وما فيها كثير برامج تستهلك موارد الكمبيوتر مالها داعي.

تأكد أنو الخيار الثاني "التحميل والتحويل إلى ISO" هو المحدد، لأنه بيسمحلك بتجهيز نسخة قابلة للحرق والتثبيت مباشرة.

بعدين ممكن تضيف .NET Framework 3.5 لو حبيت بالنسخه من خلال تحديد هالخيار، وهذا الخيار مفيد لتشغيل بعض التطبيقات القديمة.

ورح تشوف حجم الملف الكلي التقريبي، بس يعني ما توخذ فيه كثير لأنه مش دقيق دائماً وبيتغير حسب خياراتك.

ما بعد تحميل الملفات

الان بعد تحميل الملف فك الضغط عنو باستخدام برنامج مثل 7-Zip.

بدنا نفتح ملف الـ CMD الي بكون بهالشكل وأول اسمو uup.

مثل ما انت شايف بحكيلي انو في خلل باسم المجلد الي فيه الملف، لهيك رح أغير اسم المجلد لاسم بدون فراغات وكمان أنقلو إلى مجلد مباشر داخل أي قرص مثل C:\ بدون مجلدات كثيرة.

الان افتح الملف كمسؤول (Right Click > تشغيل كمسؤول)، واستنى عملية تحميل الملفات المهمة وتحويل كل شيء لملف ISO.

طبعا العملية بتعتمد على سرعة الإنترنت وسرعة الكمبيوتر وبالأخص المعالج.

بعد الانتهاء بحكيلك اضغط رقم صفر عشان تسكر النافذة.

الان بتلاحظ وجود ملف ISO بنفس المجلد بهاي الطريقة.

وهيك بتقدر تحرق الويندوز على فلاشتك وتعيش حياتك.

كيفية حرق ويندوز على فلاشة

في حال ما بتعرف شو هو برنامج الحرق، فإليك برنامج Rufus المجاني.

برنامج روفوس يُستخدم لحرق ملفات ISO على فلاش USB بخطوات بسيطة وسريعة. فقط شغل البرنامج، اختر ملف ISO اللي حملته، ثم اختر الفلاشة واضغط Start.

وفي حال ما بتعرف كيف تحرق ولا كيف تثبت الويندوز، روح شوف الفيديو الي بالوصف بحكيلك كيف تحرق وكيف تفوت على إعدادات BIOS وتثبت النظام خطوة بخطوة.

ملاحظات مهمة

• يُنصح دائماً باستخدام نسخ مستقرة وليست تجريبية.
• لا تقم بتحميل نسخ معدلة أو غير رسمية، لأن ذلك يعرض جهازك للخطر.
• قبل تثبيت أي نظام جديد، تأكد من أخذ نسخة احتياطية من ملفاتك الهامة.
• استخدم معالجًا سريعًا وذاكرة جيدة لتسريع عملية تحويل الملفات.

الخلاصة

إذا كنت تحتاج نسخة قديمة من ويندوز 10 أو 11 لتعمل بشكل أفضل على جهازك، فهذه الطريقة تعتبر آمنة، فعّالة، وتمنحك تحكمًا كاملاً في الإصدار واللغة والخصائص التي تريدها. كل ذلك يتم باستخدام ملفات رسمية من خوادم مايكروسوفت، وبدون الحاجة لاستخدام أدوات غير موثوقة أو مواقع مشبوهة.

هل واجهت صعوبة في تحميل نسخة ويندوز معينة؟ أو عندك سؤال بخصوص التثبيت؟ اكتب بالتعليقات وسنساعدك في أقرب وقت.